Pontevedra ante o Trío Ibérico de Eclipses
Eclipse Solar en Pontevedra
12 de agosto de 2026 99,58% de ocultación
Pontevedra será un dos mellores lugares de Europa para observar a maior eclipse solar das últimas décadas. Coñece como vivila con seguridade.
Quedan:
para a eclipse do 12/08/2026
Que é unha eclipse solar?
Unha eclipse solar prodúcese cando a Lúa se interpón entre o Sol e a Terra, ocultando total ou parcialmente o disco solar. O 12 de agosto de 2026, dende Pontevedra poderá observarse unha eclipse case total, co 99,58% do Sol oculto: un fenómeno astronómico extraordinario que non se repetirá con esta intensidade en moitos anos.
Será a primeira eclipse total visible dende a España peninsular en máis dun século, e a franxa de totalidade atravesará Galicia. A nosa cidade ocupa unha posición privilexiada na franxa de visibilidade, o que converte esta cita nunha oportunidade única para a observación astronómica e a divulgación científica.
A eclipse en Pontevedra, hora a hora
O fenómeno producirase ao serán, co Sol xa moi baixo sobre o horizonte oeste. Horas locais aproximadas para a cidade de Pontevedra.
19:32
Primeiro contacto
A Lúa comeza a «morder» o disco solar polo seu bordo.
20:29
Máximo · 99,58%
Momento culminante: a luz cae de golpe, baixa a temperatura e o ceo escurece como nun solpor repentino.
21:23
Último contacto
O Sol recupera a súa forma pouco antes de poñerse na ría.
10–12°
Sol moi baixo
No máximo, o Sol estará a só 10–12 graos sobre o horizonte. Escolle un lugar con vistas despexadas cara ao oeste: a beira da ría é unha atalaia perfecta.
3
Totalidade na provincia
Só tres concellos da provincia verán a eclipse total: Agolada, Rodeiro e Vila de Cruces. No resto, incluída a cidade, será case total.
+120
Anos de espera
É a primeira eclipse total visible dende a España peninsular dende 1905. A franxa de totalidade entra na península precisamente por Galicia.
✦
Noite de Perseidas
A eclipse coincide coa choiva de estrelas das Perseidas: tras o solpor, o espectáculo continúa no ceo nocturno.
10–12°
Sol moi baixo
No máximo, o Sol estará a só 10–12 graos sobre o horizonte. Escolle un lugar con vistas despexadas cara ao oeste: a beira da ría é unha atalaia perfecta.
3
Totalidade na provincia
Só tres concellos da provincia verán a eclipse total: Agolada, Rodeiro e Vila de Cruces. No resto, incluída a cidade, será case total.
+120
Anos de espera
É a primeira eclipse total visible dende a España peninsular dende 1905. A franxa de totalidade entra na península precisamente por Galicia.
✦
Noite de Perseidas
A eclipse coincide coa choiva de estrelas das Perseidas: tras o solpor, o espectáculo continúa no ceo nocturno.
O Trío Ibérico de Eclipses
Tres eclipses solares en tres anos consecutivos serán visibles na península Ibérica. Pontevedra poderá gozar das tres.
A máis intensa
99,58%
12 de agosto de 2026
Eclipse case total
77%
2 de agosto de 2027
Eclipse parcial
72%
26 de xaneiro de 2028
Eclipse parcial
Medidas de seguridade · Observación solar
Perigo! Nunca mires o Sol sen protección.
Para observar o Sol con seguridade é preciso facelo por proxección ou a través de filtros especiais. Observar o Sol a simple vista é sumamente perigoso: pode causar danos permanentes na retina.
NON
mires directamente o Sol.
NON
mires o Sol a través de lentes de sol, películas veladas, radiografías, etc.
NON
mires o Sol a través de lentes, prismáticos ou telescopios sen o filtro axeitado.
NON
mires o Sol a través do visor das cámaras fotográficas.
As lentes de eclipse teñen unha validez de tres anos e deben gardarse protexidas nun lugar escuro.
Como observar a eclipse con seguridade
Hai dúas formas seguras de gozar do fenómeno sen poñer en risco a vista.
1
Por proxección
Constrúe a túa propia caixa de proxección estenopeica e observa a imaxe da eclipse proxectada, sen mirar nunca directamente ao Sol. Descarga a plantilla recortable, imprímea e segue os pasos.
2
Con filtros especiais
Emprega lentes de eclipse homologadas (norma ISO 12312-2) ou filtros solares certificados. Nunca uses lentes de sol convencionais nin filtros caseiros: non protexen fronte á radiación solar.
Máis información en webs oficiais
Consulta datos detallados do fenómeno nas fontes oficiais de referencia.
Ministerio de Ciencia, Innovación e Universidades
Trío de Eclipses
Portal oficial do Goberno de España sobre os tres eclipses.
Instituto Xeográfico Nacional
Visualizador de eclipses 2026
Mapa interactivo coa traxectoria e horarios da eclipse.
Xunta de Galicia
Eclipse en Galicia
Información autonómica sobre a observación en Galicia.