Pontevedra é deporte
En Pontevedra, o deporte nace onde se constrúe a comunidade: os clubs formativos e as escolas deportivas son o corazón deste impulso. Neles, a mocidade aprende a coidar a saúde, a convivir e a respectar, facendo do xogo un camiño de aprendizaxe. Este é o noso modelo: primeiro persoas, despois deportistas. A cidade avanza cando quen practica o fai con ilusión, quen acompaña anima sen presión, e quen guía educa con criterio. Co impulso do Concello e a complicidade do tecido deportivo local, consolidamos unha práctica educativa, saudable, lúdica e de calidade. Así medra unha cidade activa, onde os grandes eventos son a vitrina, pero a verdadeira forza está no día a día de quen adestra, comparte e inspira.
Natación sincronizada
Esgrima
A constancia e o esforzo de cada deportista é a garantía do éxito de todos e de todas.
Escalada
Un adestramento divertido é un adestramento eficaz. Queremos que a mocidade non deixe de practicar deporte.
Waterpolo
O deporte é unha escola de vida que inculca orde, puntualidade e resiliencia á futura cidadanía.
Natación
A cooperación en cada club
fai de Pontevedra un espazo
de aprendizaxe compartida.
Mini BTT
O deporte base é unha carreira de fondo: respecta os ritmos de cada un para garantir unha práctica saudable e a longo prazo.
Rugby
O sono e a alimentación son a base para unha práctica deportiva sostible e de calidade.
Loita
A comunicación clara e respectuosa entre familias e persoal técnico constrúe un vínculo comunitario sólido e eficiente.
Xadrez
O deporte pontevedrés xa é un referente internacional ao nivel do seu modelo urbano.
Tenis de mesa
En Pontevedra a convivencia e os valores deportivos son unha prioridade que respecta a diversidade e promove a inclusión.
Kick boxing
O erro é un mestre, tamén no deporte.
Como cidade, Pontevedra crea unha contorna sen medo a fallar.
Balonmán
O comportamento na bancada é a extensión da convivencia urbana. Pontevedra promove o respecto nas rúas e nas pistas.
Ximnasia
O deporte é un investimento no futuro da cidade: o obxectivo é formar persoas sans que buscan a felicidade para si e para os demais.
Deporte adaptado
O deporte fomenta a autonomía da mocidade e é clave para ter unha cidadanía máis participativa e consciente.
Piragüismo
En Pontevedra investimos no proceso formativo, non na inmediatez dos resultados, sen queimar etapas para garantir que o amor polo deporte perdure.
Baloncesto
Gañar con honestidade e perder con dignidade son piares do xogo limpo.
Fútbol sala
O crecemento persoal e deportivo chega coa sintonía entre familia e persoal técnico.
Ximnasia rítmica
En Pontevedra, deportistas, familias e persoal técnico traballan da man e fan un verdadeiro equipo que transcende aos espazos de xogo.
Tiro con arco
O deporte é lecer, saúde e amizade, un motor fundamental para o benestar da mocidade, e de toda a sociedade.
Voley
A educación cívica do deporte comeza co respecto ao rival e á arbitraxe.
Atletismo
Cando celebramos o éxito alleo e evitamos comparacións, fortalecemos o tecido deportivo da nosa sociedade.
Judo
Deixar que os/as deportistas tomen as súas propias decisións, pode transformar os erros en crecemento e responsabilidade.
Fútbol
A práctica deportiva é unha fonte de saúde física e mental.
Badminton
O xesto de xogo limpo vale máis que o resultado. O deporte de base reflicte os valores de convivencia e respecto de Pontevedra.
Taekwondo
O verdadeiro éxito de Pontevedra mídese nas experiencias vividas e nas persoas que formamos, non só nos trofeos deportivos.
