Calendario 2025

A primeira sesión de cinema ofrecérona os irmáns Lumière en París a finais de 1895. Pouco despois, na primavera de 1897, o invento presentouse no Teatro do Liceo de Pontevedra. Desde entón, o cinema formou parte da historia viva da cidade, como espectadores, como escenario de documentais e películas, como creadores e como industria cada vez máis importante. Cambiaron os hábitos, as salas monumentais desapareceron (Victoria, Malvar, Coliseum…), pero a paixón polas historias contadas en imaxes non cesou en ningún momento. A fábrica dos soños desembarca na nosa cidade cada vez máis a miúdo con focos, cámaras e xirafas de son para que actores e actrices dean vida ao que guionistas e directores idearon. Unha historia que continúa en 2025 coa entrega en Pontevedra dos premios Feroz, concedidos pola Asociación de Informadores Cinematográficos de España aos artífices de que as fantasías, anhelos e vidas imaxinadas fáganse realidade fílmica.