O Recinto Feiral será a sede desta proba deportiva ao longo de todas xornadas entre o 21 e o 25 de xuño
A concelleira de Deportes, Anabel Gulías, presentou esta mañá, acompañada do presidente do Club Treobada, Carmelo Vázquez; e de Covadonga Menéndez, directora técnica da Federación Española de Gimnasia; o campionato de España Individual y Clubs de Trampolín que se celebrará en Pontevedra entre o mércores, 21 de xuño, e o domingo, 25 de xuño.
A edil lembrou que a disciplina de Tramplín «é importante non só desde o punto de vista do mundo do deporte, que repite como disciplina olímpica, senón porque contaremos nesta cita cunha das mellores deportistas do Estado como é Melania Rodríguez, que buscará a súa clasificación para as Olimpíadas, polo que trataremos de empurrala e animala durante a súa participación». Doutra banda, Gulías adiantou que a vindeira semana a cidade tamén acollerá o Campionato de España de Ximnasia Acrobática.
A concelleira agradeceu a colaboración de todas as partes á hora de poñer en marcha a maquinaria que permite a celebración deste tipo de probas, máis aínda en espazos que deben ser habilitados para isto de xeito específico, como é o caso do Recinto Feiral, lugar onde se realizarán os campionatos por mor de ofrecer unha altura maior. O Recinto contará con bancadas para o público, namentres os deportistas terán 4 camas elásticas, 2 dobre minitramp e unha pista de trampolín, ademais dunha zona de quecemento.
Así, máis de 600 deportistas entre as diferentes categorías de base e absolutas nas modalidades de trampolín, dobre minitramp (DMT) e tumbling pasarán pola Boa Vila nos vindeiros días, tal e como explicou a directora técnica, Covadonga Menéndez.
A participación galega máis que notable, pois moitos dos galegos e galegas participantes militan no CGTD de Pontevedra, con 60 na base e ata 74 no campionato de España absoluto.