O arranque da reforma da rúa Loureiro Crespo, iniciada hai escasos días, obriga a trasladar a parada de taxi situada entre as rúas Gonzalo Gallas e Casimiro Gómez á rúa Cobián Areal mentres duren os traballos.
Este traslado forma parte dos traballos previos ao inicio da obra que arrancaron a pasada semana o primeiro treito da rúa, entre a praza do Hospital e a rotonda con Doce de novembro.
Realizados as accións previas, esta semana comezarán os traballos de levantamento de beirarrúas e da calzada para a instalación dos novos servizos soterrados (saneamento, abastecemento, iluminación…), primeiro do lado dereito. Ao seu remate, procederase ao pavimentado do lado dereito e á demolición do lado esquerdo e instalación dos novos servizos.
Cara finais do mes de maio, prevese o comezo dos traballos de renovación dos servizos na zona do Castañal, que suporá un plan específico de tráfico.
Hai que lembrar que a reforma de Loureiro Crespo e O Castañal estenderá os estándares de calidade urbana propios do Modelo Pontevedra a unha das entradas da cidade, e que comprende as rúas Ernesto Caballero, Forcarei, Amor Ruibal, Mestre Soutullo, Ramón Cabanillas e a praza das Regas, ademais da propia Loureiro Crespo. Ademais de renovar a pavimentación e o largo das beirarrúas e varios puntos, inclúe a renovación de todos os servizos, e a instalación de nova iluminación e novo mobiliario urbano, así como a plantación de novas árbores en algúns dos treitos.
Saúdos ;-))