As persoas interesadas deberán dirixirse ao servizo de Promoción económica situado na Casa da Luz para facer a tramitación previa.
A Concellaría de Promoción económica que dirixe Anabel Gulías prepara xa a celebración do mercado das flores da praza da Ferraría dos días 30 e 31 de outubro con motivo de Todos os Santos. As persoas interesadas en ser adxudicatarias dun posto neste mercado deberán presentar as súas solicitudes os días 7 e 8 de outubro na oficina do Servizo de Promoción Económica, situado na Casa da Luz.
O número de postos dispoñibles son 24:
- 5 postos de 2 m2
- 10 postos de 4 m2
- 5 postos de 6 m2
- 1 posto de 8 m2
- 3 postos de 10 m2
O postos adxudicaranse por orde de solicitude nas oficinas do Servizo de Promoción Económica en horario de 09:00h a 12:00h.
Cada solicitante so poderá solicitar un posto e deberá presentar a seguinte documentación:
- Abono da taxa por ocupación de vía pública.
- Presentación da solicitude cuberta e do xustificante de pago da taxa no rexistro do Concello ou no rexistro electrónico do Concello. O prazo de presentación de solicitudes finaliza o día 15 de outubro.
Finalmente farase a marcaxe dos postos na Praza de Ferrería.