O concelleiro de Servizos Urbanos Básicos, Xaquín Moreda visitou os traballos que se realizan en dúas fases: a primeira -na que se traballa- máis próxima ao estacionamento e a segunda nas fachadas dos edificios.
O custe supera os 71.000 euros.
O concelleiro de Servizos Urbanos Básicos, Xaquín Moreda visitou esta mañá as obras de reforma das beirarrúas da avenida da Estación que tiñan problemas de afundimento polo repisado dos edificios. O investimento supera os 70.000 euros.
Xaquín Moreda explicou que o Concello está acometendo a reforma da beirarrúa en 71 metros lonxitudinais porque estaba afundida polo repisado dos edificios, algo habitual co paso do tempo. Este afundimento afectou a algúns dos servizos soterrados -electricidade e datos – e a situación viuse agravada polo arborado da rúa que causou o levantamento de lousas que dificultaban o tránsito peonil, ademais de entrar polas fiestras dos edificios ao estar tan pegadas aos inmobles.
O concelleiro explicou que a obra se está a cometer en dúas fases para afectar o menos posible aos negocios e facilitar a mobilidade da veciñanza. A primeira é a reposición da beirarrúa delimitando a zona de estacionamento, e a segunda fase será a máis pegada aos edificios e aos negocios. Ademais de repoñer os servizos afectados e colocar a beirarrúa a nivel, tamén se plantarán tres novas árbores, nesta ocasión fóra da liña dos servizos e no espazo de estacionamento, polo que se distanciarán das fiestras e fóra das beirarrúas.