Ademais da súa faceta como pintor, Manuel Moldes destacou tamén como docente, aspecto do que dá boa conta o seu paso pola facultade de Belas Artes de Pontevedra, onde a sala de exposicións leva o seu nome. O seu afán por ensinar non estaba restrinxido ó ámbito universitario, sendo a cativada un dos seus públicos preferidos.
Querendo continuar con este labor, a Fundación Manuel Moldes organiza os obradoiros ‘Achegamento á arte con Manuel Moldes’ dirixidos a nenas e nenos coa finalidade de achegar a arte a través da obra do pintor pontevedrés da man de Taller Abierto e coa colaboración do Concello de Pontevedra.
Lugar: Sede da Fundación Manuel Moldes.
Datas: 16 e 30 de novembro e 21 de decembro.
Horario: 11:30-13:00.
Dirixidos a nenas e nenos de 6 a 12 anos acompañados por unha persoa adulta.
Prazas limitadas e de balde. Inscrición e máis información no teléfono 617340323.