Ponteverán, o programa da Concellaría de Xuventude para os mozos e mozas de Pontevedra durante os meses de xullo e agosto volveu a ser un éxito. Así o demostran as cifras de inscrición e de participación que xa están a ser analizadas pola concellaría que xestiona Demetrio Gómez. Segundo os datos, das 609 prazas que se ofertaron, fixéronse 902 pre-inscricións, das que se confirmaron 574 inscricións. Finalmente, asistiron 498 persoas, é dicir, o 82% de todas as prazas ofertadas.
Neste 2024 ofertábanse 21 actividades. As prazas de 13 delas tiveron que sortearse debido á cantidade de persoas que solicitaron a súa participación. Finalmente, 18 actividades completaron todas as súas prazas. Agás en 3 actividades, o índice de asistencia non baixou do 80%.
| Actividade | Prazas | Inscricións | Asistentes | Comentarios |
| Campamento de cociña «Saborea verán» | 15 | 15 | 15 | Participou unha persoa con discapacidade auditiva total que asistía por vez primeira a unha actividade municipal. Precedente positivo para Ponteverán |
| Campamento urbano «xogando coa música» | 15 | 20 | 19 | |
| Campamento urbano «procurando o tesouro. Reliquias botánicas» | 15 | 15 | 14 | |
| Campamento urbano « Teatreirxs » | 15 | 20 | 15 | Actuación final « Alicia no país das maravillas » |
| Campamento ambiental « Ecoexplorando Pontevedra » | 20 | 15 | 12 | |
| Minicampamento « Regreso á prehistoria » | 14 | 14 | 14 | |
| Obradoiro musical « A fábrica de singles » | 12 | 12 | 10 | |
| Obradoiro de pintura e mural colectivo « A cidade que soñamos e que habitamos » | 10 | 12 | 12 | |
| Curso de aturuxo con Pablo Carpintero | 25 | 27 | 27 | Este foi un curso con participantes dende os 15 aos 68 anos |
| 1º e 2º Curso de iniciación ao piragüismo en Ponte Sampaio | 20 | 20 | 20 | |
| 1ª e 2ª Dendrocronoloxía: a historia que contan os aneis das árbores | 50 | 42 | 29 | |
| Excursión ao parque de Humor amarelo e Xinkana no Museo do Mar | 42 | 42 | 36 | |
| Ruta en caiac e SUP polo Lérez | 20 | 20 | 19 | |
| Observación astronómica en Cotobade | 40 | 42 | 39 | |
| Observación astronómica no miradoiro de Verdugo | 35 | 39 | 35 | |
| Xornada de Orientación no Centro Histórico | 200 | 172 | 127 | |
| Noite europea dos morcegos | 25 | 29 | 30 | |
| Informática: Libre Office | 18 | 18 | 15 | |
| Informática: Intelixencia artificial | 18 | 17 | 10 | |
| Total | 609 | 591 | 498 |