- O peche se prolongará durante o proceso de remodelación deste tramo da rúa.
A Concellaría de Obras Urbanas que dirixe Demetrio Gómez continúa a ritmo as obras de reforma da rúa Loureiro Crespo que a vindeira semana entra na súa primeira fase, logo de rematar os traballos preliminares. Este avance obriga ao peche da rúa entre o tramo de Casimiro Gómez e Gonzalo Gallas, co fin de acelerar ao máximo o desenvolvemento da obra, tal e como se comprometeu o concelleiro con veciños e comerciantes na videoconferencia de hai dúas semanas.
Ademais de trasladar o estacionamento de taxis á rúa Cobián Areal, créase unha zona de servizos na rúa Gonzalo Gallas para atender aos establecementos comerciais da zona así como á demanda do hospital, xa que unha das prioridades é manter a actividade económica.
Esta medida obriga á inversión de Gonzalo Gallas, que permitirá un acceso rápida ás urxencias pediátricas e facilitar o acceso ao aparcadoiro e á zona de servizos da rúa Antón Fraguas.
A modificación do tráfico manterase ate o remate desta primeira fase da reforma.
A actuación neste tramo consiste na demolición da beirarrúa do lado dereito para a instalación dos servizos soterrados e, a continuación, o seu pavimentado con formigón. Logo abrirase o lado esquerdo para seguir o mesmo procedemento que no dereito.
Plan de tráfico primeira fase de remodelación de Loureiro Crespo. Plan de tráfico primeira fase de remodelación de Loureiro Crespo. 
Plan de tráfico primeira fase de remodelación de Loureiro Crespo.
