O concelleiro de Urbanismo Alberto Oubiña reuniuse esta mañá co secretario xeral de Vivenda da Xunta e o xefe territorial do IGVS para continuar avanzando na cesión das parcelas municipais que o Concello cederá para a construción de vivenda protexida na cidade.
O concelleiro de Urbanismo, Alberto Oubiña e o director xeral de Urbanismo do Concello de Pontevedra, Xosé Manuel Tato, mantiveron esta mañá unha reunión de traballo co xefe territorial do Instituto Galego Vivenda Solo, José Manuel González, e Heriberto García, secretario xeral de Vivenda da Xunta de Galicia, para avanzar no acordo de ambas institucionais de incrementar o parque de vivenda pública en Pontevedra, ademais definir novos posibles ámbitos máis aló dos xa ofrecidos polo Concello.
« Este é un traballo conxunto que estamos desenvolvendo entre ambas as dúas administracións, que máis pronto que tarde vai a dar os seus froitos », explicaba o concelleiro.
Hai unhas semanas o Concello de Pontevedra ofreceu ao IGVS até sete parcelas nas que poder edificar estas vivendas, que neste momento están a estudo por parte do instituto da Xunta. As parcelas son:
- Unha parcela en Valdecorvos (cunha edificabilidade de 7.500 m2), actualmente adicada a estacionamento. Calcúlase que ofrecería espazo para 54 vivendas. (Unha das melloras valoradas pola Xunta)
- Unha parcela na Unidade de Actuación 7, mazá 46G (zona da antiga Tafisa), con 5.800 m2 de edificabilidade. (Unha das melloras valoradas pola Xunta)
- Unha parcela na rúa da Barca, no número 45. Serían uns 735 m2 edificábeis.
- Unha parcela na rúa Amado Carballo, con 1.000 m2 de edificabilidade
- Unha parcela na rúa das Devesas, na zona da Parda, na UA 15. 1.500 m2 de edificabilidade.
- Unha parcela na UA 18, na rúa Poza dos Canos, con 1.000 m2 de edificabilidade
- A última das parcelas estaría situada nunha zona cun proxecto pendente de desenvolver, na Finca do Teucro. Contaría cunha edificabilidade de 1.900 m2. (Unha das melloras valoradas pola Xunta)
O concelleiro adiantou que « a intención é ter resolta a cesión canto antes » e nas próximas semanas avanzar na definición de posibles novos ámbitos máis alá dos ofrecidos.
Quedaron emprazados para futuras xuntanzas a expensas da reunión que esta semana mantén o alcalde coa conselleira de Infraestruturas e Vivenda que « sirva tamén para continuar a dar novos pasos neste traballo conxunto para as doas administracións », indicaba Alberto Oubiña.