O programa « O monte é teu » comeza esta fin de semana na Fracha e na Tomba para estudar a súas vexetacións e coñecer a mitoloxía galega.
Todas as actividades son de balde pero é preciso inscrición previa en apuntate.pontevedra.gal
Chegada a primavera a Concellaría de Montes, que xestiona María José Abilleira, propón novas actividades do programa « O monte é teu » para coñecer e gozar dos parques forestais do concello: Pontillón do Castro, A Fracha e A Tomba, e poñer en valor este anel verde perimetral da cidade á que se achegan a diario os pontevedreses e pontevedresas. É un calendario de 19 actividades que abrengue os fins de semana dende o 18 de maio até o 16 de xuño.
Todo o catálogo de actividades está accesible na web de montes (montes.pontevedra.gal) ou en apuntate.pontevedra.gal, onde se poden consultar as primeiras das actividades, datas, idades de participación, material recomendado, así como o formulario de inscrición. Todas son de balde e requiren de preinscrición que se fará a través das citadas webs con formularios en liña.
Calendario:
A Fracha
- O bestiario máxico. 18 maio
- Lugares máxicos. 25 de maio
- Observación de bolboretas. 26 de maio
- Observación de flora e fauna. Rastros e pegadas. 1 xuño
- Concerto: contos no monte. 2 de xuño
- A natureza como espazo creativo. 15 de xuño
A Tomba
- Máis que vento e fibra. Funcións e valores do noso monte. 19 de maio
- Baños de bosque. 25 de maio
- Contacontos sobre a natureza con música. 1 de xuño
- Coñece os cantos das aves e fabricación de caixas niño. 2 de xuño
- Observación solar. 16 de xuño
- Ioga en familia. 8 de xuño
- Buscando o Norte. Actividades de orientación con mapa. 9 de xuño
Pontillón do Castro
- Observación astronómica nocturna. 31 de maio
- A procura do tesouro: Geocaching. 2 de xuño
- A música da natureza. Construción de instrumentos musicais con elementos naturais. 8 de xuño
- Iniciación ao Kaiak. 9 de xuño
- Os xoguetes de sempre. 9 de xuño
- Observando macroinvertebrados. Os pequenos habitantes dos ríos. 15 de xuño