A última Xunta de Goberno aprobou as bases que se sometarán a un proceso de exposición pública dun mes para a achega de suxestións, e finalmente publicarase o anuncio da convocatoria no BOPPO momento no que se poderán presentar as solicitudes.
A Xunta de Goberno local vén de aprobar as bases que regularán a concesión de nichos nos cemiterios municipais de San Amaro, Lourizán e Ponte Sampaio. Son en total 300 nichos cos que o servizo de Cemiterios, que xestiona Anabel Gulías, pretende satisfacer a demanda veciñal, especialmente en San Amaro e Lourizán, onde o Concello xa ten recibido peticións nese sentido.
Os nichos que se ofertan en concesión, os cales se adxudicarán en lotes de 1 ou 2 dentro do mesmo cemiterio, son os seguintes:
- 200 nichos no cemiterio municipal de San Amaro
- 36 nichos no cemiterio municipal de Lourizán
- 64 nichos no cemiterio municipal de Ponte Sampaio
Esta suxeitos ás seguintes taxas:
Cemiterio | Fila 1 | Fila 2 | Fila 3 | Fila 4 |
San Amaro | 1.428,07 € | 1.552,25 € | 1.552,25 € | 1.303,87 € |
Lourizán | 492,94 € | 537,76 € | 537,76 € | 448,14 € |
Ponte Sampaio | 1256,60 € | 1316,14 € | 1316,14 € | 1292,65 € |
A concesión será por 75 anos e este prazo terá un carácter improrrogable. A concesión destes nichos poderá transmitirse a favor de herdeiros ou legatarios « mortis causa » da persoa concesionaria, e fíxase o prazo dun ano para que a persoa herdeira ou legataria acredite a súa condición. Queda expresamente prohibida a transmisión das concesións inter vivos.
Logo da aprobación pola Xunta de Goberno local, abrirase un proceso de exposición pública para recepción de alegacións ao prego. A continuación, farase a aprobación definitiva e a publicación do anuncio da convocatoria no BOPPO, momento en que se abrirá o proceso de chegada de solicitudes.