O programa especial, ideado polo Ateneo de Pontevedra e o Concello, tamén inclúe tamén unha actuación musical este mércores no Diaño e unha mesa redonda no Pazo de Mugartegui o martes 30 de abril, con tres ex capitáns do Movemento das Forzas Armadas participantes no levantamento do pobo portugués contra a ditadura do Estado novo
O 25 de abril do ano 1974, Portugal foi testemuña to levantamento militar que iniciou a Revolución dos Caraveis, movemento que nun só día puxo fin a ditadura fascista do Estado Novo no país veciño. Cumpríndose medio século deste acontecemento histórico, Pontevedra volverá conta cunha programación especial para celebralo, promovida desde o Concello de Pontevedra en colaboración co Ateneo de Pontevedra.
O concelleiro de Cultura, Demetrio Gómez, acompañado polo secretario do Ateneo, Manolo Reboiras, e da tamén membro do colectivo, María Xosé Tiscar, presentou o programa deste 2024, baixo o título 50 anos dun soño: 25 de abril, sempre, que se iniciará o mércores 24 co concerto Cancións polas rúas do 25 de abril, do Colectivo Xestal, no Bar Diaño da rúa Chariño, a partir das 20.30 horas.
O xoves, xornada principal dos actos como non pode ser doutro xeito, presentarase a a Colectânea 2024 Sempre abril, un traballo elaborado por escritores de Portugal, Galicia, Asturias e Estremadura. Será ás 12.00 horas no Edificio Castelao do Museo de Pontevedra. Pola tarde, ás 19 horas, as escaleiras do Principal volverán ser un punto de encontro para os pontevedreses e pontevedresas que queiran festexar e lembrar este día. Alí será coreado o tema protagonista do 25 de abril, o fermoso Grândola, Vila Morena, da man da agrupación Máis Cantos, liderada por Nelson Quinteiro.
Por último, o martes 30 de abril a programación ideada polo Ateneo pechará cunha mesa redonda no Pazo de Mugartegui, a partir das 19.00 horas. Baixo o título ‘Todos eles foron Capitáns’, con tres dos protagonistas directos daqueles feitos, integrantes do Movemento das Forzas Armadas Capitáns de Navío, Pedro Cunha Lauret e Carlos de Almada Contreiras; e o coronel Antonio Rosado dá Luz. Entre os tres Tecerán un «relato completo», en palabras da historiadora María Xosé Tíscar, do que foi aquel intre histórico.