Entre as normas, hai que cubrir un formulario de inscrición e non superar os 35 euros por agasallo. A campaña tamén anima a mercar no comercio local.
Por vez primeira, a empresa Juguettos colabora coas súas tendas de Pontevedra onde fará un 10% de desconto nos xoguetes da marca propia da empresa.
O Concello de Pontevedra retoma nestas datas o programa (en)Volve para que ningún neno, nena ou adolescente en situación ou en risco de exclusión social quede sen o seu agasallo neste Nadal. A concelleira de Benestar Social, Anabel Gulías fai un chamamento á cidadanía pontevedresa para que colabore como cómplices dos Reis Magos e esta edición de 2023 volva a ter o éxito da pasada.
Como novidade, a empresa Juguettos colabora coa campaña nas súas tendas de Pontevedra. Realizará un 10% de desconto aos cómplices que amosen a súa carta e merquen un xoguete da marca propia da empresa.
Como en anos anteriores, para facilitar a participación no programa e axilizar o proceso, enviaranse as cartas por Whatsapp acompañadas de toda a información precisa.
Hai que ter en contra as seguintes instrucións:
- Hai que escoller un agasallo dos tres que figuran na carta.
- O prezo máximo do regalo para cada nena, neno ou adolescente é de 35€.
- O agasallo pode ser dunha marca semellante á especificada na carta.
- Unha vez mercado o agasallo, hai que entrégao na Casa Azul (Rúa Sor Lucía, nº2) nun prazo máximo de dúas semanas trala recepción da carta.
- É importante que levar o número da carta xunto co agasallo (non é necesario que indicar o número no paquete).
- Debarase acompañar o agasallo co ticket por se fose necesario cambialo por estar defectuoso.
- Non se deben enviar agasallos a través de mensaxería, xa que dese xeito non se pode localizar e pode quedar sen entregar.
- (en)Volve anima a mercar os agasallos no comercio local.
- Para resolver calquera dúbida pódese contactar co Servizo por whatsapp no número 606987743.
- Os cómplices deben ser conscientes do compromiso que adquiren participando na campaña, por iso no caso de ter dúbidas de participar, é mellor non inscribirse.
O formulario de inscrición está nesta dirección web:
Balance do Nadal de 2022
No Nadal pasado 455 persoas colaboraron coa campaña participando como cómplices dos Reis Magos e 427 nenos, nenas e adolescentes recibiron un agasallo novo na noite de Reis. Ademais, a maior parte dos agasallos mercáronse no comercio local o que supuxo uns ingresos duns 15.000 euros.