Co gallo da celebración da Batalla de Flores deste venres, 18 de ahosto, a Policía Local de Pontevedra procederá ao corte de tráfico rodado nas rúas Xosé Malvar (tramo rotonda Valdecorvos e Loureiro Crespo), Benito Corbal, Cobián Roffignac e Padre Amoedo.
Os horarios para estes cortes, máis polo miúdo, son os seguintes:
- Dende as 16.30 horas, aproximadamente, procederase ao corte de tráfico da rúa Xosé Malvar (tramo entre Rotonda Valdecorvos e Loureiro Crespo. Lugar de concentración das carrozas participantes na Batalla de flores)
- Sobre as 18.30 horas (aprox.) procederase ao corte total do tráfico nas rúas comprendidas dentro do percorrido e as adxacentes. (tanto os cortes de tráfico como á apertura farase progresivamente)
Alén deste corte, tamén se establecen restricións para os estacionamentos:
- A partir das 08.00 horas prohíbese o estacionamento nas rúas: Xosé Malvar (tramo Rotonda Valdecorvos – Loureiro Crespo)
- A partir das 14.00 horas prohíbese o estacionamento na rúa Doutor Loureiro Crespo e Benito Corbal
- A partir das 16.30 horas prohíbese o estacionamento en Cobian Roffignac e Padre Amoedo
Rutas e vías recomendadas para a circulación:
- Tráfico procedente de rúa Avenida de Lugo cara centro cidade recomendase por Virxinia Pereira, San Mauro ou Ernesto Caballero cara a Valdecorvos
- O tráfico procedente de Ponte dos Tirantes cara a Xosé Malvar será desviado por a urbanización Valdecorvos.
- O tráfico procedente de Eduardo Pondal cara a Doce de Novembro, será desviado por Xoaquin Costa
- Pecharase ao tráfico todas a rúas adxacentes de Loureiro Crespo; Benito Corbal e Cobian Roffignac
- Aconséllase a utilización da AP-9 como alternativa ao tráfico de entrada e saída da cidade
A apertura do tráfico será realizada unha vez remata a Cabalgata e á limpeza das rúas polos servizos municipais.
A Policía Local de Pontevedra solicita a colaboración cidadá para que non se estacione no percorrido da Cabalgata e que presten especial atención a sinalización vertical circunstancial que modifica o réxime normal de utilización da vía. Os vehículos que estacionen con posteridade a colocación do valado serán denunciados e o vehículo trasladados polo guindastre municipal ( o que supón unha contía total de 315 euros).