O alumnado de 1º de Bacharelato do IES Frei Martín Sarmiento, que decorou a peza ubicada nos Xardíns de Belas Artes, traballará nos próximos días coa artista residente Julia Lago en torno a realización do mural nos terreos de Tafisa
O Bacharelato de Artes do IES Xunqueira 1 está a decorar estes días o lobo colocado á entrada do Pazo da Cultura
O edifico Castelao do Museo, as prazas da Ferraría, Hospital Provincial, 8 de marzo e Cruz Vermella, A Parda, o Mirador de Monteporreiro e o interior do Salón – cun Orbil branco que pintará a cativada asistente – completan a ruta
O Alcalde de Pontevedra, Miguel Anxo Fernández Lores e a Concelleira de Cultura visitaron hoxe unha das novas pezas da Orbil Parade. Fixérono acompañados polo estudantado de 1º de Bacharelato do IES Frei Martín Sarmiento e a súa mestra – a ilustradora Belén Padrón – que traballaron varias semanas para plasmar todo o seu talento na figura en branco.
Ambos agradeceron o traballo levado a cabo moi exitosamente e deron a coñecer á rapazada a importancia de formar parte dun evento tan destacado e querido na cidade como o Salón do Libro, “un evento único no país e case do Estado e Europa”, apuntaba Miguel Anxo.
“Representar á muller na historia da arte e ás mulleres artistas “ foi o obxectivo deste alumnado, maioritariamente feminino, entre o que se atopan futuros/as fotógrafos, restautadoras, tatuadoras ou estudante de Belas Artes.
Tanto é o interese e implicación deste grupo que nos próximos días taballarán con Julia Lago, a artista residente do Salón que xa se atopa na cidade, en torno á concepción da idea que plasmará no mural dos terreos de Tafisa. Julia, que xa coñece a cidade por tet estudado Belas Artes, xa ten bastante clara a idea e amosouse encantada coa implicación do alumnado e coa oportunidade que lle ofreceron o Concello e o Salón, da man do Espazo Matrioska, para deixar a súa pegada.
Esta non é a única peza que contará o talento local e potencial do alumnado da cidade , xa que nestes días o Bacharelato de Artes da Xunqueira 1 está a intervir o lobo ubicado na entrada do Pazo da Cultura, onde a partir deste venres 11, bota a andar o Salón do Libro.
Aínda que estas dúas pezas son a novidade, xa están repartidas pola cidade as 7 coloridas réplicas da mascota do Salón que se poden atopar nun mapa dentro do programa do Salón para participar na procura de Orbil. A Parda as prazas da Feraría, Hospital Provincial, 8 de marzo e Cruz Vermella, o Mirador de Monteporreiro, A Parda e, como non podía ser doutro mono no ano da arte, a entrada do Edificio Castelao do Museo. Tamén permancerá nas instalacións do Salón unha figura branca para que a cativada que visite do 11 ao 27 de marzo, poda deixar a súa pegada.
Congreso do Salón
Maña xoves 10 de marzo ás 16:30 horas a concelleira de Cultura Carme Fouces inaugurará a 1º xornada do IV Congreso de Mediación Lectora do Salón. Moderada por Ana Seoane, a sesión deste xoves contará co ilustrador Xosé Cobas (homenaxeado este ano no Salón), a intervención dos convidados chegados do País Vasco Edurne Aizpurua Rakel Benítez e Isaak Aranberri con ‘Zumaiena, o gozo pola lectura. Unha aproximación desde a pedagoxía da confianza’, Museo do Videoxogo de Cangas (MUVI) e a música e ilustradora Laura Romero.
Os xoves 17 e 24 terán lugar as restantes xornadas deste evento organizado en colaboración coa Universidade de Vigo que recuperar a presencialidade nesta edición e conta con máis de 120 persoas inscritas.