Organizadas pola Sociedade Antropolóxica Galega en colaboración co Concello de Pontevedra, a Boa Vila vivirá tres xornadas culturais sobre o terror, a violencia ou a pobreza
Serán celebradas na sala Nemonon, do 5 ao 7 de novembro, cunha entrada libre até completar asentos
Logo dun ano de parada, as Xornadas sobre Antropoloxía organizadas pola Sociedad eAntropolóxica Galega (SAGA) volven ser celebradas na Boa Vila. Nesta ocasión será o mal, o seu significado e as distintas formas nas que este pode aparecer, a temática a debater, conversar e investigar.
«Tratarán o mal en base a tres puntos: o terror sobrenatural, a violencia e a pobreza», explica a concelleiro de Patrimonio Histórico, Xaquín Moreda. «Cremos que as cousas feitas desde a base social da cidadanía deben ser apoiadas, máis aínda cando fan un traballo no que invisten e quitan horas da súa vida para actividades importantes e valiosas».
Puido o presidente da SAGA, Rafael Quintía, agradecer a colaboración do Concello, para logo comentar a ledicia que supón recuperar as xornadas presenciais logo da imposibilidade de celebralas o ano pasado por mor da crise da Covid-19. «Cada ano dedicamos as xornadas a un tema concreto, e escollemos este ano ese mal, con todas as súas caras, que son moitas, e todas eles inciden na vida das persoas, polo que montamos un programa no que é abordado desde distintas perspectivas», explica Quintía.
Serán tres as xornadas a celebrar estruturadas en tres bloques de conferencias, o venres pola tarde, sábado de mañá e tarde, e domingo pola mañá. Haberá dúas conferencias en cada sesión seguida dunha mesa redonda cos participantes e todos os asistentes:
- Venres 5 (18h)
- Padre José Criado :: O concepto do mal desde o Cristianismo
- José Luís Cardero (en liña) :: O Numinoso, o Sagrado e o Relixioso. Unha mirada cara ás Divindades ancestrais do Terror
- Sábado 6
- (11 horas)
- Montse Fajardo Pérez :: A represión sobre as mulleres como forma de terror
- Rocío Ovalle :: Proyecciones que transforman. El bien institucional, el bien colectivo y el bien individual, entre el idealismo y la coherencia
- (18 horas)
- Manuel Carballal (en liña) :: No nome de Satán: o mal como xustificación do crime
- Félix Castro :: Manuel Blanco Romasanta, o mal de múltiples caras
- Domingo 7 (10.30h)
- Visita ao parque etnoarqueolóxico Outeiro das Mouras, de Salcedo :: Guiado polo antropólogo Rafael Quintía :: O punto de encontro será o Centro Social A Casa Verde de Salcedo