O Concello de Pontevedra modificou esta tarde o Vaite 2020! que preside a fachada do Pazo da Cultura por “2021 Pórtate ben!” en clara alusión ao ano que vamos a deixar e ás boas expectativas postas no ano que vén. O alcalde e a concelleira Pilar Comesaña foron os encargados de desvelar esta sorpresa de fin de ano e de desexarlle a todos e todas as pontevedresas un mellor ano 2021, coa confianza de que todo volva a normalidade.
A felicitación de aninovo do Concello era unha das sorpresas da programación de Nadal, que rematará a vindeira semana coa chegada dos Reis Magos de Oriente a Pontevedra.
