-
- As obras comezaron hoxe coa retirada dos actuais elementos.
- O investimento supera os 56.000 euros.
O Concello de Pontevedra iniciou hoxe a mellora do parque infantil da praza de Marqués de Valterra, en Estribela, parroquia de Lourizán. Trátase dunha instalación que ten máis de 20 anos de antigüidade, e aínda que viviu diversas reformas e mantementos asiduos, os técnicos municipais estimaron que grande parte dos elementos de xogo xa tiñan esgotada a súa vida útil, e procede cambialos.
Está prevista a instalación dunha estrutura de xogo composta de oito torretas unidas entre si con pontes, tobogáns, trepas, tubaxes… que dará unha nova imaxe ao parque e servirá para atender a nenos de distintas idades.
Ademais, realizarase un mantemento nuns poucos elementos como un muelle rinoceronte, entre outros, que permanecerán no parque.
Tamén se farán traballos de mantemento, como reparación e pintado, do valado ou mellora do chan.
O investimento total é de 56.252,90 euros, dos cales máis de 38.000 euros é a nova estrutura de xogos que se instalará.
Está previsto que as obras rematen este venres.