O Concello de Pontevedra abre hoxe o prazo para a solicitude de nichos nos cemiterios municipais de San Amaro e Ponte Sampaio.
Como é coñecido, a oferta de nichos é de 325 repartidos do seguinte xeito:
- 241 en San Amaro
- 84 en Ponte Sampaio
O prazo para presentar as solicitudes será de catro meses, dous máis do que viña sendo o prazo habitual. É dicir, as persoas interesadas en facerense con algunha concesión terán até outubro para formalizar a petición.
Cada solicitante poderá pedir a concesión dun mínimo dun nicho e un máximo de catro.