O Concello de Pontevedra reuniu esta mañá a mesa de contratación para a Rede de sumidoiros nas parroquias de Mourente e Bora. Coñeceuse que presentaron oferta 23 empresas para executar esta nova rede de saneamento que ten un orzamento de 987.982,53 euros e un prazo de execución de 9 meses.
O proxecto recolle as obras necesarias para conducir as augas vertidas nos lugares de O Pazo, Carabelos, Eirós na parroquia de Mourente, e Leirados en Bora, ás súas conexións coa rede existente ata facelas chegar á planta depuradora situada en Praceres. Son 5.000 metros lineais de tubaxes, á que se sumará unha rede de recollida de augas pluviais de 852 metros lineais, tamén na estrada de Ourense. Será a instalación de tubos de 400 mm cos seus correspondentes pozos de rexistro e sumidoiros.
Trátase de instalar arredor de cinco quilómetros de tubaxes seguindo a estrada de Ourense N-541 entre os quilómetros 88, 89 e 90, para dar servizo a unhas 160 vivendas.
Nesta licitación inclúesen como melloras a instalación da rede de abastecemento neste ámbito e completar o saneamento até o núcleo de Leirados, na parroquia de Bora.
Con este proxecto a parroquia de Mourente tería practicamente completo o saneamento, e viríase a sumar ao 83% do rural pontevedrés que xa dispón de alcantarillado, especialmente todas aquelas parroquias e núcleos próximos ao centro urbano: Lérez, Marcón, Tomeza, Lourizán, Salcedo e Mourente.
As empresas que se presentaron ao concurso son:
- Actividades de construcción, edificación y viales S.L. (Acevi)
- Arias hermanos construcciones S.A.
- Canalizaciones y construcciones Salnés S.L.
- Civis Global SLU
- Construcciones Caldevergazo SL
- Construcciones E.C.Casas SL
- Construcciones Obras y Viales SA
- Construcciones Ramírez SL
- Construcciones Taboada y Ramos
- Copcisa SA
- Elsamex SA
- Espina Obras Hidráulicas SA
- Espina y Delfín SL
- Excavaciones y construcciones Laureano Covelo SA
- Excavaciones y construcciones Manuel Pérez Portela
- Hordescon SL
- Narom SL
- Obras y viales de Galicia SL
- Ogmios proyecto SL
- Petrolam A Veiga SL.
- Proyecon Galicia SA
- Viaqua Gestión integral de Aguas de Galicia SAU
- Xestión Ambiental de Contratas SL.