O Concello de Pontevedra inicia mañá pola tarde contactos con todos os consellos parroquiais do municipio para presentar os orzamentos 2016 e tamén a convocatoria aos fondos Feder, aos que optará o Concello no mes de xaneiro.
Os dous primeiros consellos parroquiais que se celebrarán mañá serán o de Tomeza, ás 17.00 horas, na antiga escola de Lusquiños; e ás 20.30 horas no Local social de Salcedo.
No transcurso das semanas continuarán os encontros cos consellos parroquiais do rural para presentar estes dous proxectos, e darlle o maior grao de consenso posíbel xa que son documentos de capital importancia para o futuro do Goberno Local.