Venta de mel, degustacións de iogur con mel, obradoiros en vivo de extracción de mel daranse cita na XXV Feira do Mel de Pontevedra da man do mercado máis doce e irresistible a “Meleira”.
A feira que se emprazará en fronte á Praza de Abastos de Pontevedra e celebrárase do 8 o 16 de agosto.
Pontevedra, 5 de agosto de 2015. Todos os amantes do mel teñen unha cita ineludible na “Meleira” do 8 ao 16 de agosto, no marco da vixesimoquinta edición da “Feira do Mel de Pontevedra”. A Asociación de Apicultores da provincia de Pontevedra e Centro Comercial Urbano Zona Monumental de Pontevedra, en colaboración co Concello de Pontevedra e a Deputación de Pontevedra, veñen de presentar unha nova edición que é unha mostra de que, pese aos cambios económicos e sociais, o mel segue a gozar dunha fortaleza e saúde encomiable.
Os que queira adquirir este doce manxar poderán facelo de luns a venres de 10 a 14 horas e de 18 a 22 horas, os sábados e domingos de 11 a 14 e de 18 a 22 horas. Os curiosos do mundo da apicultura poderán ver en vivo obradoiros de extracción de mel, de luns a xoves ás 19.30 horas con degustación de valde de iogur e mel.
E xa so queda marcar os días na axenda, levar a toda a familia e aproveitar para adquirir unha mel de gran calidade na “Meleira”, a cura máis doce das festas da Peregrina.