A Xunta de Goberno Local aprobou esta mañá os proxectos de mellora do desdobramento da avenida de Vigo, que comezarán a executarse esta mesma semana. Segundo explicou o portavoz do Goberno, Raimundo González Carballo, o total destas melloras ascende a 1.160.563,34 euros e os proxectos tiveron que ser presentados pola empresa adxudicataria tal e como indicaban os pregos de adxudicación.
As melloras incluídas no desdobramento da avenida de Vigo son as seguintes:
- Tratamento de parte da avenida de Vigo: 565.266 euros
- Carril segregado do Nó do Pino: 45.274 euros
- Pasos elevados: 6.498 euros
- Reforma da avenida da Estación: 304.411 euros
- Reforma da rúa Luís Seoane: 87.920 euros
- Acondicionamento do camiño que une a avenida de Vigo coa avenida da Estación: 68.694 euros
- Completar a senda do Gafos: 59.094 euros
O portavoz do Goberno informou que esta semana está previsto iniciar os traballos na avenida da Estación onde se fará unha rotonda e se reforma a rúa entre a avenida de Vigo e a estación de autobuses. A continuación acometerase a Senda do Gafos e o camiño que une a avenida de Vigo coa avenida da Estación.
Raimundo González explicou que "estas melloras redundan na transformación que o Goberno está acometendo nos barrios sur da cidade".