O portavoz do Goberno, Raimundo González calificou esta mañá de "éxito rotundo" a celebración do Campionato do Mundo de Duatlón celebrado o pasado fin de semana na cidade. "Sen dúbida, trátase dun acontecemento deportivo e económico de primeira orde", indicaba o portavoz quen destacaba a presenza en Pontevedra de "moita xente tanto presenciando o Campionato como dos propios deportistas, que permitien unha grande promoción da cidade cun retorno na economía local, fundamentalmente na hostalería".
Dende o Goberno acordouse felicitar tanto ao Instituto Municipal de Deportes, a Policía, Protección Civil, Cruz Vermella, voluntariado, ás empresas concesionarias como a de limpeza… "e a todos os pontevedreses que asistiron, colaboraron ou participaron no evento deportivo máis importante que acolleu a cidade", concluía Raimundo González.