Pontevedra foi novamente un dos referentes urbanos máis citados nas primeiras ponencias que se escoitan no congreso Cidades que camiñan, que se celebra en La Rinconada, unha poboación a escasos 10 km de Sevilla.
Aínda que o xefe da policía Local pontevedresa presentará o modelo de cidade ás 16 h e o alcalde tomará o testemuño da organización do seguinte congreso pasadas as 19, a cidade estivo presente no repaso histórico que o xeógrafo Alfonso Sanz realizou da historia peonil das cidades europeas.
Sanz, despois de repasar os primeiros exemplos peonís europeos dos anos 60 e de insistir na importancia de que os responsables municipais aborden cambios urbanos que poñan ao peón no centro da mobilidade, citou a Pontevedra como exemplo de transformación e de avanzadilla das cidades 30 no Estado español, ao ser o primeiro exemplo global deste tipo de núcleos co tráfico calmado.
Tamén citou o Metrominuto como exemplo de boa práctica para a promoción da mobilidade peonil, a preguntas de un dos case 200 participantes que toman parte na Xornada.
Inicio Sin categoría