A Concellaría de Servizos, baixo a dirección da concelleira Carme da Silva, retoma este xoves os zafarranchos urbanos pola praza do Gremio dos Mareantes e avenida das Corbaceiras.
A limpeza realizarase na madrugada do xoves dende a praza do Gremio de Mareantes até a ponte da Barca (na marxe dereita dos edificios).
Dado que se trata de zonas de estacionamento de vehículos e de carga e descarga, colocaranse valos indicativos prohibindo o aparcamento en toda a zona. A prohibición é efectiva dende a tarde do mércores.
A limpeza desenvolverase con varredoras, máquinas de auga e limpeza a pé. A concellaría solicita a colaboración de veciños e de condutores para acadar unha perfecta limpeza das rúas.
Inicio Sin categoría