O alcalde Miguel Anxo Fernández Lores enviará en breve unha carta ao presidente da Federación española de Taekwondo, Jesús Castellanos Pueblas, para analizar conxuntamente a posibilidade de que Pontevedra poida organizar campionatos de trascendencia estatal e internacional. Así o anunciou no transcurso da recepción de Miguel Cortegoso Estronllo, presidente do Club Mace Sport, que recentemente recibiu a medalla de bronce ao mérito deportivo pola súa traxectora. No acto de gala de entrega dos galardóns da Federación o Club Mace Sport recibiu o premio ao mellor club de España.
Fernández Lores destacou esta mañá o respecto e o cariño que o mundo do taekwondo tenlle a Miguel Cortegoso, como o puido comprobar durante a gala da entrega dos premios da Federación. Tamén resaltou que “Pontevedra síntese orgullosa de ter unha persoa como Miguel e un club como o Mace Sport que leven estes galardóns, especialmente se se ten en conta que fixeron todo este camiño sen case apoio”.
Para cambiar esta tendencia, o alcalde comprometeuse a manter negociacións coa Federación para que Pontevedra poida acoller un campionato de importancia. Explicou que na pasada gala non foi posible manter conversas “porque todo discurriu moi deprisa”.
Inicio Sin categoría