“Son as únicas armas para defender o noso, o que nos queren quitar e o que nos costou lágrimas e suor gañar durante anos”. Así de contundente se expresa o alcalde Miguel Anxo Fernández Lores ante a convocatoria de mañá pola tarde na defensa “do mellor sistema sanitario de Europa, o único universal, gratuíto e de calidade”.
O alcalde fai un chamamento á cidadanía para participar no acto convocado pola Plataforma contra a privatización e polo hospital único de Pontevedra para “abrazar o Hospital” mañá pola tarde, a partir das 19.30 horas. A convocatoria é diante do Hospital Principal.
A Plataforma convoca a toda a cidadanía da área sanitaria a rexeitar as políticas de recortes e desesmantelamento e privatización da sanidade pública que promove o PP. Critica
• A introducción do copago dos fármacos dos tratamentos dos pensionistas.
• A supresión do dereito á atención sanitaria de importantes colectivos (maiores de 26 anos sen cotización, persoas sen recursos, inmigrantes sen papeis…)
• Rebaixa da carteira de servizos sanitarios públicos (haberá que pagar por servizos até o de agora de balde).
• Reducir as urxencias e as farmacias no medio rural
• Retirada do financiamento público de maís de 400 fármacos aínda útiles
• Introducción do copago para próteses, cadeiras de rodas, muletas, alimentos especiais, traslados non urxentes de ambulancias…
• Paralización do Hospital Único de pontevedra ampliando Montecelo, e constrúen un novo Hospital privado en Monte Carrasco.
Inicio Sin categoría