Os equipamentos de tres pavillóns veranse notablemente mellorados grazas ao investimento de case 21.000 euros en material deportivo que está a ser colocado durante estes días.
A Concellería de Deportes aprobou a adquisición deste material, que servirá para mellorar a práctica de deportes como o balonmán, baloncesto, fútbol sala, voleibol e ximnasia, xunto coa práctica do fitness e a musculación.
Agustín Fernández explicou que trátase dun esforzo por optimizar as condicións nas que adestran varios clubs, un esforzo que debe ser continuo, pois o Concello debe facer o posible por estar á altura de organizacións que achegan constantes resultados e éxitos deportivos.
No pavillón Xunqueira II instalaranse novos xogos de porterías trasladables, redes de fútbol sala/balonmán, xogos de redes de baloncesto e novas redes para a práctica do voleibol.
No Pavillón Municipal dos Deportes haberá “áreas de caída” para ximnastas, áreas de recepción de tumbling de varias medidas e colchonetas de seguridade de diversos tipos.
Finalmente, o Pavillón Municipal e o Multiusos serán dotados de novo material específico de musculación, colchonetas de aeróbic, soportes, barras e bancos multifunción.
Inicio Sin categoría