O Concello de Pontevedra ten por obxectivo o pago das facturas a proveedores a 30 días (20 naturais). Para iso están mantendo reunións diversos servizos municipais: servizos xurídicos, contratación, intervención, persoal xunto aos concelleiros responsables de Economía e Facenda, e Persoal "para intentar pagar as facturas do Concello en menos dun mes", segundo o concelleiro de Economía e Facenda, Raimundo González.
"Estamos analizando os pasos a dar para axilizar os pagos", explicou Raimundo González quen confía en que o 99% das facturas poderanse pagar no prazo dun mes. Na actualidade o pago supera os 60 días.
A tramitación das facturas no Concello de Pontevedra sigue estes pasos:
- Presentación no Rexistro Xeral.
- Pasa ao Órgano de xestión orzamentaria (Contabilidade).
- Distribución ao servizo que emitiu o servizo (obras, servizos sociais…) para que dea a conformidade.
- Volve a Contabilidade para cargar a factura.
- Informe de Intervención que dá a conformidade.
- Nalgúns casos hai que facer resolución do servizo de Contratación.
- Volve a Contabilidade
- Tesourería autoriza o pago.
Esta decisión permite eliminar problemas de carácter interno na xestión dos informes e dos trámites que afecten á demora das resolucións.
A Concellaría de Economía e Facenda quere axilizar os pagos, unha medida especialmente importante nesta situación de crise e parálise económica, que permitirá mellorar a circulación da economía local.