O alcalde e a concelleira de Benestar Social Municipal, Carmen Fouces recibiron esta mañá a nova presidenta provincial de Cruz Vermella, Teresa Álvarez, que se viu a presentar oficialmente ao Concello de Pontevedra.
O alcalde manifestoulle que o Concello de Pontevedra manterá as colaboracións que ten con Cruz Vermella. Pola súa banda, a presidenta presentoulle a memoria 2011 de Cruz Vermella Pontevedra que durante o pasado ano atendeu 34.775 persoas coordinados dende as sedes de A Estrada, A Guarda, Ponteareas, Pontevedra, Vigo e Vilagarcía.