As inscricións para 28ª edición da carreira popular de San Silvestre xa están abertas dende hai algúns días na web da Sociedade Ximnástica, pero hoxe comeza tamén o prazo para a retirada dos dorsais.
Tanto as inscricións como a retirada de dorsal poden facerse presencialmente dende hoxe nas oficinas de iberCaja (rúa de Riestra), de 10 a 13 horas ata o próximo día 28. Os días 29 e 30, na Casa do Turista, de 10 a 13 horas e de 16.30 a 19.30 horas. Finalmente, os dorsais estarán dispoñibles na zona de Saída para os rezagados de última hora.
A Concellería de Deportes lembra a obriga de inscribirse e correr con dorsal. Hai un seguro que só cubrirá aos participantes que cumpran con este requisito.
Lémbrase tamén a recomendación de achegar un produto alimenticio non perecedoiro. Debe entregarse na propia liña de Saída o mesmo día da carreira.
Como sempre, na San Silvestre haberá premios para os tres primeiros clasificados masculino e feminino, co habitual lacón para os gañadores. Celebrarase tamén un sorteo entre os participantes. Finalmente, haberá agasallos para todos os que finalicen.
A proba, organizada conxuntamente pola Ximnástica e o Instituto Municipal de Deportes, conta por primeira vez co patrocinio de iberCaja, ao tempo que continúa o habitual apoio de Froiz, Coca-Cola e Cruz Vermella.
Inicio Sin categoría