O alcalde de Pontevedra, Miguel Anxo Fernández Lores informou esta mañá de tres asuntos que tratou a Xunta de Goberno Local, ademais do nomeamento dos membros da Xunta de Goberno integrada polo mesmo alcalde, Anxos Riveiro, César Mosquera, Carmen Fouces, Raimundo González, Luís Bará, Demetrio Gómez e Vicente García Legísma, e as firmas delegadas dos directores xerais de Urbanismo e de Policía administrativa. Os asuntos tratados foron: O suministro de falsos teitos para a instalación de luminarias no colexio de Barcelos por valor de 70.836 euros; a adxudicación á empresa E.C.Casas para a segunda parte da reforma da praza de Barcelos por valor de 234.365 euros; e dar curso a unha orde de emerxencia para a instalación de aire acondicionado na guardería infantil da Parda, que rexistrou nalgunha ocasión temperaturas moi elevadas.
Inicio Arquivo publicacións antigas